Хүлэмжийн хийн мониторинг
Дорноговь аймгийн Эрдэнэ сумын нутагт байрлах хүлэмжийн хийн мониторингийн станцын мэдээгээр гол хүлэмжийн хийнүүдийн дундаж агууламж Монгол орны нутаг дэвсгэр дээр тасралтгүй өсөж байна.
1 дүгээр зураг. Агаар дахь (CO2) нүүрсхүчлийн хийн агууламж
Нүүрсхүчлийн /CO2/ хийн агууламж 27 жилийн (1992-2019) хугацаанд 57.6 ppm буюу олон жилийн дундажтай нь харьцуулахад 16.2%-иар нэмэгдсэн байна (Зураг 1). 2019 оны дундаж 412.3 ppm байсан ба 2018 ба 2019 оны өөрчлөлт 2.6 ppm –ээр өсөлттэй байна
.
2 дугаар зураг. Агаар дахь ( CH4) метаны агууламж
Агаар дахь метаны жилийн дундаж агууламж 1992-2019 оны хооронд 143.2 ppbv-ээр буюу 7.9 хувиар өссөн (2 дугаар зураг) байна. 2019 оны дундаж агууламж 1952.0 ppbv байсан ба өмнөх оныхоос 14.3 ppbv–ээр өссөн байна.
3 дугаар зураг. Агаар дахь 6 фторт хүхэр
Агаар мандалд агуулагдах агууламж харьцангуй бага боловч дулааруулах хүчин чадал сайтай хүлэмжийн хий бол SF6 юм.1997-2019 оны хооронд Улаан-Уул станц дээр SF6-ын агууламж 6 ppt-ээр буюу 2.4 дахин (3 дугаар зураг) өссөн бөгөөд 2019 оны дундаж агууламж 10.2ppt байсан бөгөөд өмнөх оныхоос 0.4 ppt-ээр өссөн байна. [Д.Оюунчимэг 2020].